الدخول اجبارى لكل الطلبة

السلام عليكم ورحمة الله وبركات

ه[center]
هنعمل استبيان خاص بينا وكل واحد يتكلم براحت فى كل حاجة او فى جزء معين

اولا :افضل قسم

الحالات الحرجة (icu)

الموضوع كامل
السلام عليكم ورحمه الله وبركاته
هنعمل استبيان خاص بينا وكل واحدة تتكلم براحتها
عن نفسى
اولا:افضل قسم هو قسم الحالات الحرجة والاسعافات الاولية
انا بشكر القسم ده جدااااااا و شكر خاص لدكتورة
ناهد قنديل
ثانيا:افضل تمريض عملى هوعملى تمريض بالغين وICU
وشكر لعملى سنة اولى اللى كان اول خطوة
ثالثا:افضل كتب دراسية كتب تمريض كلهاوبذات كتب سنة تانية
رابعا:اسوأ كتاب كتاب نسا والتوليد الجديدلسنة2007الترم الثانى<بدون زعل>
خامسا:اصعب منهج هو منهج تمريض نفسي ثم تمريض ادارة
ناسف للازعاج بس ده رايى
_________________

ايوة يا ميرا

الكلام ده جميل
انا لقيت ان احنا متفقين جدا فى الكلام دة
بس احب اضيف (من غير زعل)ان فيه اقسام تانية محتاجة الكثير من التنسيق الداخلى
زى مثلا
تمريض النساء وتمريض أطفال
وايضا اقسام اخرى محتاجة اضافة المزيد من الحيوية زى اداب مهنة
بلاش تكون مادة انشا وبس
كمان ليه الاقسام المختلفة متعملش زى قسمicu ........تجربه رائعه ورائده
حقيقى قربت الطلبة والdoctors
اول مرة أحس انى طالبة جامعة

كفاية كدة النهاردة

اكيد اجمل قسم هو الحالات الحرجه نظري وعملي

اصعب حاجه قابلتني كان عظام
ولو من مواد التمريض فهو قسم نسا
احسن كتاب كان الاداره بس العملي كان وحش
كنت بحب النفسيه بس محتاجه تنظيم جامد في العملي وفي الكتب وحتي في الشرح
احسن دكتوره هي الدكتوره ناهد بلا منافس
واحسن دكتور دكتور محمد بتاع الكيميا الحيويه لسه فاكراها من شرحه لحد النهارده

طبعا يتربع على عرش الاقسام

افضل قسم طبعا قسم الICU

وافضل واحسن دكتوره د\ناهد قنديل طبعا وكمان د\منى دكتور بقسم النفسيه

افضل كتاب كتاب اداره وكتاب تمريض بالغين

اسوا كتاب طبعا كتاب النسا والتوليد

اسوا طريقه شرح مش هذكر اسماء لانى بجد بحترم كل الدكاتره وهما بجد

بسم الله ماشاء الله عليهم بس يمكن الاسلوب بس اللى محتاج شويه ممارسه وهو لدكتوره فى قسم النفسيه

ملحوظه :طبعا مش دكتوره منى

اسوا امتحان كان امتحان ماده طرق تدريس

وبصراحه ماكنتش فاهمه فيها ولا كلمه

اسوا دكتور وبرضو الاسلوب هو اللى وحش دكتور الوبائيات

وفى النهايه احب اقول ان ده رايي الشخصى الذى لايمثل اى قيمه لقيمه هؤلاء الدكاتره

ويمكن العيب كان فيا انا؟؟!!!

_________________

امممممممممم
اقسام كتير عندنا فى الكليه محتاجه تنظيم وتنسيق كتير
واتفق معاكم ان افضل قسم عندنا فى الكليه هوا تمريض حالات حرجه بكل مافيه
دكتارة معيدين وكتب اسلوب شرح يعنى من الاخر قسم لا يوجد به ثغرات محتاج اننا نتكلم عنها
بس مش متفقه معاكم خالص ان كان من افضل الكتب كتاب ادراه لانها مادة كان فيها حاجات كتير ملخبطه وانا عن نفسى ماكنتش بعرف اصلا ازاكرها والكتاب ماكنش واو يعنى زى ماانتم بتتكلموا عنه وكمان المعيدات كانوا صعبين جدا وكانوا بيعلقوا لنا كتير زى مايكونوا منتظرين لينا غلطه
وكتاب النسا ع فكرة كويس جدا جدا الى كان فى دفعتنا الى انتم كنتم بتتكلموا عنه بس احنا كانت عندنا المشكله فى الى بيشرح مش فى الكتاب
عندنا برودك مانقدرش ننكر دور معيدات ودكتارة سنه اولى بجد كانوا اول خطوة لينا فى تمريض وساعدتنا كتير
معيدات سنه تانيه مش كلهم يستاهلوا التقدير انهم يكون معيدات كااسلوب معيدات جامعيات والطريقه والاسلوب والمظهر كان بيفقتر لكثير من سمات التدريس فى الجامعه
مشكلتنا فى الكليه ان الكليه بتعطى لنفسها برسيتج جامد خارجى وللاسف هما نفسهم مش بيعطونا البرستيج دا فاحنا مش بنقدر نحتاز الثقه الكامله فى شخصينا
بالرغم من كدا انا برجح ان تكون كليتنا مشتركه لان تواجد البنات مع بعض فى مكان واحد بيشيل فوراق كتير بين البنات وبعضها ودا بيؤدى الى شوية سلوكيات بين البنات وبعضها بتكون مستهجنه
انما مع وجود اولاد فى الكليه هيبقى موجود نوع من الخجل يمنع كل دا
حاجات كتير فى الكليه عاوزع كــــــــــــــــــــــــــلام وتظبيط بس هنقول لمين ومين هياخد برايئنا
واكيد بنتمنى ان الكليه الى بنتمنى ليها يبقى لينا الشرف اننا خريجات الكليه دى
بس هنقول اية بقا
ان شاء الله اكيد الى جاى هيبقى احسن واحسن
واتمنى انى مش اكون طولت عليكم او اكون ازعجتك حد برايى

_________________