طريقة عمل البيتزا المزخرفة بالصور

طريقة عمل البيتزا المزخرفة :

المقادير :

العجينة : 2ك دقيق _ 2 م/ص خميرة جافة _ 1 م/ص ملح _ 2 م/ص سكر _ 3/4 كوب ماء دافئ _ 2 م/ك زيت.

الحشو : صباع هودوج كبير(مقطع قطع صغيرة وسميكة تشبه المربعات الصغيرة ) _ 1/4 كجم سجق شرقى _ بصلة كبيرة مقطعة الى حلقات رقيقة _ 2 حبة فلفل رومى _ 1م/ص ملح _ 1/4 م/ص فلفل اسود _ 1/4 م/ص بهارات _ 1/4 م/ص زعتر _ زيتون اسود واخضر _ صلصة طماطم _4 م/ك زيت .

طريقة التحضير:

نقطع الفلفل حلقات رقيقة والبصل ويمكننا وضع فلفل اخضر حامى حسب الرغبة ونقطع السجق قطع صغيرة ونضع 4 ملاعق زيت فى طاسة على النار وعندما الزيت يسخن نضع السجق ونقلبه حوالى دقيقتين وبعدين نضيف الفلفل الاخضر الرومى والبصل ونقلبهم حتى نشعر ان البصل دبل ولكن لانتركهم حتى يستوى على النار ونضع التوابل عليهم ونقلبهم جيدا .

نقلب الدقيق والملح والسكر والخميرة اى كل المكونات الجافة مع بعضها ونعمل حفرة فى الدقيق ونضع فيها الماء و2 م/ك من الزيت ونعجن حتى تصبح عجينة ملساء ونغطيها بكيس بلاستيك ونتركها فى مكان دافئ حتى تخمر اى حجمها يتضاعف ونقطعها الى قطعتين الثلث والثلثين ، نأخذ القطعة الكبيرة وهى الثلثين ونفردها فى صينية مقاس 28سم ، ونأخذ القطعة الثلث نقطع منها قطع صغيرة فى حجم الليمونة الصغيرة وبعد ما ننتهى من التقطيع نأخذ كل قطعة ونفردا بأصابعنا ونضع فيها قطعة من الهوت دوج ونقفلها بحيث تكون مدورةفى حجم الليمونة ونضعها على طرف العجينة المفرودة فى الصينية وهكذا حتى نغطى اطراف العجينة ونكون مسخنين الفرن قبل ما ندخلها بداخله ، وبعد دخول الصينية ونحس انها استوت نصف سوى نخرجها من الفرن ونضع عليها صلصة الطماطم ثم خلطة السجق والبصل والفلفل وحلقات الزيتون ونضع جبنة موزريلا على الوجه وندخلها الفرن لكى نكمل سواها ولما الوجه يحمر نخرجها من الفرن وهى بتاخد وقت حوالى 20 دقيقة وطبعا بيختلف من فرن لاخر ولابد ان نتابعها داخل الفرن .

ملحوظة : نحاول واحنا بنقطع العجينة اننا نعمل كل حاجة بسرعة قبل ما تخمر فى الصينية لانها لو خمرت وبعد كدة نسويها هيكون طعمها مشابه للفينو ، وناخد بالنا واحنا بنعمل قطع العجين الصغيرة وبنضعها على طرف العجينة المفرودة فى الصينية اننا نترك مسافات بين كل واحدة و واحدة لانها لما تستوى هيلتصقوا ببعض لان حجمهم هيزيد ويتضاعف ، واحنا برده بنفرد العجينة فى الصينية ياريت نترك مسافة حوالى سم من الجوانب لاننا هنضع عليها قطع العجين الصغيرة بالهوت دوج وهتاخد مكان ، ونحاول نضغط على قطع العجين المدورة المحشية بالهوت دوج واحنا بنضعها على طرف العجينة المفرودة فى الصينية لكى لا تسيب من بعضها بعد ما تستوى ، ومهم جدا اننا نضع الجبنة الموتزريلا وان لم تتوافر نكسر بيضة على وجه البيتزا لكى تجعل الحشو متماسك على البيتزا عند تقطيعها لكى لايقع فى التقطيع وينشف الحشو من حرارة الفرن .

عارفه؟

انا بموووووووووت فى البيتزا وحقيقى طريقه سهله جدا وجميله جدا

وبجد هعملها النهارده باذن الله

وحقيقى مرسي يا احلى مشرفه لاحلى قسم

_________________

يا سبحان الله
لسه من يومين أم عمار بتقولى أعرف لى من حبهان طريقة عمل البيتزا
هو انتو تعرفو بعض ولا أيه؟
على العموم مشكوره على البيتزا اختى حبهان
فانا من عشاقها بالفعل

_________________
`·.¸¸.·¯`··._.· (ابو عمار) `·.¸¸.·¯`··._.·

www.tamayozz.ahlamontada.com

جزاكم الله خيرا ويارب تجربوها فعلا لانها هتعجبكم اوى

تسلم ايدك يا حبهان على الوجبة اللذيذة دي

وممكن اكون منافس ليكي فى قسم المطبخ

اوكشن

انا طبعا مش بعرف حاجه فى المطبخ اكتر من الشاى

بس عندى موسوعه فى الاكلات والحلويات

وهكون سعيد وانا بجرب فيكوا الاكلات
ههههههههه

الملاك البرئ

اشكرك على تعاونك ده واكون سعيدة جدا ومرحبة لمشاركاتك بس اهم حاجة تكون مقاديرك مظبوطة ومتاحة وتكون متجربة مش منقولة من منتديات اخرى من غير تجارب عملية .

_________________