منتدى ملائكه الرحمه
مرحبا بك زائرنا العزيز فى منتديات ملائكة الرحمه و نرجو منك الأنضمام لكوكبة المنتدى المميزه

منتدى ملائكه الرحمه


 
الرئيسيةالبوابةقائمة الاعضاءالمجموعاتالتسجيلدخول

شاطر | 
 

 يالهووووووووووووووي ركز ف الصلاه بئه يااحمد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رشروشه
Admin
Admin


انثى عدد الرسائل : 4030
العمر : 28
العمل/الترفيه : المدير
السٌّمعَة : 4
نقاط : 982
تاريخ التسجيل : 02/04/2008

مُساهمةموضوع: يالهووووووووووووووي ركز ف الصلاه بئه يااحمد   الأربعاء 08 أبريل 2009, 15:55

استغفر الله العظيم

إستووا.. إعتدلوا.. إستقيموا يرحمكم الله

الله أكبر


الله أكبر

وبيكلم أحمد نفسه وهو بيصلي ويقول ؟؟؟؟

أحمد ركز بأه في الصلاة وبلاش تسرح

طيب خلاص

إمممم.. هو الراجل اللي جنبي ده صوابع رجليه عاملة كده ليه؟

صباعه الكبير ده كبير أوي

آه بمناسبة الصوابع هي صوابع زينب دي اللي هيا إيه؟

بيتهيألي دي اللي عاملة زي الزلابية

زلابية؟؟ زلابية إيه بس وبتاع إيه

الله أكبر

أحمد ركز ياأحمد

طيب ماأنا مركز أهوه


مركز إيه طيب إنت قريت سورة إيه؟

أنا قريت سورة اللهب شفت بأه أنا مركز إزاي؟

لألأ دي كانت سورة الفيل

سمع الله لمن حمده

ربنا ولك الحمد


أنا جعت

بس مش عارف أفطر إيه النهاردة؟

آه المطعم الجديد اللي كانوا بيتكلموا عنه إمبارح

بيقولوا عليه أكله حلو

بس هو في شارع إيه؟

لما أخلّص الصلاة أتصل بالتليفون أعرف العنوان



الله أكبر

هيا الساعة كام دلوقتي؟

زمانها أربعة وخمسة

على فكرة هيا الساعة التانية الجلد كنت حطيتها فين؟

آه.. ياإما في الدرج ياإما في الدولاب

دولاب ايه بس ياأحمد ركز ياأحمد إنت بتصلي، أستغفر الله


الله اكبر

أهوه أنا مركز أهوه

إنظر لمكان السجود وركز في الأيات اللي بيقولها الإمام


الله أكبر

الشيطان ده أعوذ بالله بيخلي الواحد يسرح

مش هو الشيطان بيتسلسل في رمضان

يعني بيتسلسل تلاتين يوم

أيوه بس هو رمضان ده تسعة وعشرين ولا تلاتين؟

هو إبتدى إمتى؟

تعالى نحسبها كده

هو كان يوم السبت في السعودية وفي مصر الأحد

غريبة أوي الحكاية؟

طيب لو واحد على الحدود ورجل بره ورجل جوه يصوم ولامايصومش؟




أحمد.. شفت أهوه إنت رجعت تسرح تاني

الله أكبر

هو إحنا في الركعة الكام؟

يعني هانقوم ولا هانقرأ التشهد؟

لا دي التانية

طيب أقولك

إتأخر شوية وشوف الي جنبك هايقوم يقف ولا يقعد يقرأ التشهد


الله أكبر


أيوه دي الركعة التانية





شفت بأه عشان سعادتك عمال تسرح

لأ خلاص أعوذ بالله من الشيطان الرجيم


الله أكبر


السجادة دي مريحة ولونها حلو

هيا سجادة ولا موكيت

لاموكيت بنسيج السجاد

آه على فكرة إبقى إفتكر تكنس السجادة اللي في البيت بالمكنسة

بس لازم أنضف كيس المكنسة عشان بقالي مده مانضفتوش



الله أكبر


الراجل اللي جنبي ده

رجليه بتزق في رجلي

طيب أحرك رجلي شوية

الله ده بيلزقها فيا تاني

أستغفر الله

الله أكبر

فيه صوت موبايل

الناس دي ليه مش بتقفل الموبايل ساعة الصلاة

مش عارفين ان ممكن ده يخلي الواحد مايركزش في الصلاة

مع إن فيه يافطة محطوطة على الباب مكتوب عليها

إغلق الجوال من فضلك

وعليها صورة موبايل عليه علامة إكس

بس هو الموبايل ده كان نوعه إيه؟

بيتهيألي سيمنس

هيا إيه الرنة دي؟

آه أنا عايز أبقى أغير الرنة

فاكر الموضوع اللي كتبته عن رنات الموبايل


الله أكبر

الراجل اللي جنبي ده عمال يتحرك كتير

أستغفر الله مافيش خشوع خالص

أنا أهوه مش باتحرك


السلام عليكم ورحمة الله

السلام عليكم ورحمة الله


إيه هيا الصلاة خلصت ؟

السلام عليكم ورحمة الله

السلام عليكم ورحمة الله

أستغفر الله العظيم


يارب مايكون حد فينا زي احمد دة

اللهم تقبل منا وتب علينا وارحمنا انك انت

التواب الرحيم

أحبكم × الله

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nursing.goo-done.com
ash2o
مشرفه قسم منوعات اسلاميه
مشرفه قسم منوعات اسلاميه


انثى عدد الرسائل : 3627
العمر : 29
السٌّمعَة : 0
نقاط : 255
تاريخ التسجيل : 08/04/2008

مُساهمةموضوع: رد: يالهووووووووووووووي ركز ف الصلاه بئه يااحمد   الأربعاء 08 أبريل 2009, 18:21


مشكوووووووووووووووووووووره ياجميل علي الموضوع
علي فكره اغلب الاحيان ببقي كده للأسفNo

_________________
http://www.shbab1.com/2minutes.htm
ما عاد يحْوِيني سُكوتي والبُكا
أنا لستُ مَجْبُولاً على الخُذلانِ

أنا في يميني الشَّمسُ تُشْرقُ عزةً
وأنا الثُّريا همَّةً وتفاني

أنا مُسْلمٌ والمَجدُ يقْطُرُ كالنَّدى،
والعِزُّ كُلّ العزِّ في إيماني

أنا للحياةِ رواؤها ودواؤها
وأنا الشِّهابُ إذا بدى سَتراني

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو عمار الورد
المراقب العام
المراقب العام


ذكر عدد الرسائل : 6774
العمر : 41
العمل/الترفيه : موظف بشركة سياحه
المزاج : فى أحسن حال والحمد لله
السٌّمعَة : 7
نقاط : 484
تاريخ التسجيل : 03/04/2008

مُساهمةموضوع: رد: يالهووووووووووووووي ركز ف الصلاه بئه يااحمد   الخميس 09 أبريل 2009, 02:45


هههههههههههههههههههههههههه
هههههههههههههههههههههه
و الله كلامك مظبوط يا عسليه بس كده الصلاه بااااااظت
مشكوره على الموضوع الجميل

_________________
`·.¸¸.·¯`··._.· (ابو عمار) `·.¸¸.·¯`··._.·



اللهم أشفى مرضى المسلمين وخص بالذكر والدى شفاء لا يغادر سقما
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رشروشه
Admin
Admin


انثى عدد الرسائل : 4030
العمر : 28
العمل/الترفيه : المدير
السٌّمعَة : 4
نقاط : 982
تاريخ التسجيل : 02/04/2008

مُساهمةموضوع: رد: يالهووووووووووووووي ركز ف الصلاه بئه يااحمد   الجمعة 10 أبريل 2009, 12:59

ash2o كتب:

مشكوووووووووووووووووووووره ياجميل علي الموضوع
علي فكره اغلب الاحيان ببقي كده للأسفNo


فى حديث انا مش فاكره نصه للاسف

بس معناه ان الشيطان لما يحب يلهينا عن الصلاه

بيبدا انه يخالينا نتلفت حوالينا لو مافلحش يبدا يفكرنا بحجات علشان نتلهى عن الصلاه بيها

لو مافلحش بيبدا يلخبطنا فى الصلاه نفسها لو مافلحش يبدا يخالينا نتثاوب

ولو مش حطينا ايدينا على فمنا دخل وسهل له ان يتحكم بنا

والله اعلم

ربنا يقدرنا ونركز فى صلاتنا يارب

أبو عمار الورد كتب:

هههههههههههههههههههههههههه
هههههههههههههههههههههه
و الله كلامك مظبوط يا عسليه بس كده الصلاه بااااااظت
مشكوره على الموضوع الجميل


اعتقد انه كده ماصلاش اصلا

ههههههههه

والله شر البليه ما يضحك

شكرا بجد لمرورك يا ابو عمار

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nursing.goo-done.com
moon ahmed
مشرفه قسم التوعيه والتثقيف الصحى
مشرفه قسم التوعيه والتثقيف الصحى


انثى عدد الرسائل : 3993
العمر : 29
السٌّمعَة : 5
نقاط : 645
تاريخ التسجيل : 09/06/2008

مُساهمةموضوع: رد: يالهووووووووووووووي ركز ف الصلاه بئه يااحمد   الجمعة 10 أبريل 2009, 16:05

انا فاكرة ان فى حدبث فما معناه
ان لو الانسان حس بمحاولات الشيطان لالهائه بيتفت للشمال ويبصق
ويستغفر الله
تسلمى يا رشروشة

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رشروشه
Admin
Admin


انثى عدد الرسائل : 4030
العمر : 28
العمل/الترفيه : المدير
السٌّمعَة : 4
نقاط : 982
تاريخ التسجيل : 02/04/2008

مُساهمةموضوع: رد: يالهووووووووووووووي ركز ف الصلاه بئه يااحمد   السبت 11 أبريل 2009, 20:06

اه بالظبط انا عارفه الحديث ده

جزاكى الله كل خير يارب يامنمونه


_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nursing.goo-done.com
 
يالهووووووووووووووي ركز ف الصلاه بئه يااحمد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ملائكه الرحمه :: المنتدى الاسلامى :: المنتدى الاسلامى الشامل-
انتقل الى: