منتدى ملائكه الرحمه
مرحبا بك زائرنا العزيز فى منتديات ملائكة الرحمه و نرجو منك الأنضمام لكوكبة المنتدى المميزه

منتدى ملائكه الرحمه


 
الرئيسيةالبوابةقائمة الاعضاءالمجموعاتالتسجيلدخول

شاطر | 
 

 طريقة عمل الايس كريم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حبهان
مشرفه قسم المطبخ


عدد الرسائل : 39
السٌّمعَة : 0
نقاط : 0
تاريخ التسجيل : 09/05/2008

مُساهمةموضوع: طريقة عمل الايس كريم   الجمعة 16 مايو 2008, 22:50

طريقة عمل الايس كريم :


قبل ما اقولكم الطريقة احب اقولكم انى جربت طرق كتير اوى اوى للايس كريم من منتديات ومن كتب كتير ومفيش ولا طريقة حسيت فيها انى باكل ايس كريم زى بتاع بره ومعظم الطرق او كلهم تقريبا بيدخلوا فى الايس كريم البيض او النشا او الدقيق ولما بيتعمل بيبقى طعم مقولوكوش وكمان فيه طرق لازم فيها ماكنة الايس كريم وبتبقى مكلفة وطبعا انتوا عارفين ان البيض سعره غلى اوى ههههههههه [/size
[size=21]ابتديت استطعم الايس كريم بتاع بره واحس بمذاقه اوى واخمن هو مكون من ايه وقررت اعمل تجارب لغاية الحمد لله وصلت اخيرا بس ربنا وحده اللى يعلم ان كل الاكلات اللى جايباها اجتهدت فيها وانا اللى كتباها ومش منقولة من منتديات انما خبرتى فى المطبخ لانى بعرف اجيدها فقولت افيد بيها الناس وطريقة الايس كريم دى خلاصة تجاربى ومش واخدة الطريقة دى من اى حد ودى طريقتى وانا اللى اكتشفتها وكل اللى يدخل ياخدها ياريت يدفعلى بالفيزا عن طريق النت واحد دولار اهو الدولار الاخضر ينفع فى اليوم الازرق وان شاء الله الطريقة هتعجبكم اوى لانها موفرة فى الوقت والمجهود والنقدية وكمان الصيف دخل وأكل الايس كريم محبوب اوى فى الصيف .

المقادير :
1/2 1 لتر عصير محلى بكوب سكر ( مانجة او فراولة او جوافة او تمر او اناناس او اى عصير تحبوه ) _ 1/4 كجم كريم شانتيه خااااااااام مضاف اليه كوب سكر بودرة _ 10جم محسن ايس كريم .


طريقة التحضير :
نضرب الفاكهة فى الخلاط بماء وسكر زى ما بيتعمل العصير بالظبط ومن الافضل اننا بعد غسيل الفاكهة وتقطيعها لكى نضربها فى الخلاط نضع عليها السكر ونتركها حوالى ساعتين وبعدين نضربها فى الخلاط و نضعها فى الفريزر لمدة ساعة لكى تصبح مثل الماء المثلج ولا نتركها حتى تتجمد وبعد ذلك نخلط الكريم شانتيه الخام بكوب السكر البودرة ونضربهم بالعصير جيدا بمضرب سيلك يدوى او كهربائى ومن الافضل الكهربائى وبعد ذلك نضيف محسن الايس كريم للخليط ونخلطهم جيدا بالمضرب ثم نضع الخليط فى الفريزر وبعد نصف ساعة نخرجه ونقلبه وبعدين ندخله فى الفريزر تانى ونتركه فى الفريزر حتى يتجمد ونخرجه من الفريزر نأخد منه بملعقة الايس كريم ونقدمه فى الكاسات الخاصة بالايس كريم او اطباق الخشاف الزجاج او على قراطيس البسكوت الخاص بالايس كريم وبالهنا والشفا .

ملحوظة :
محسن الايس كريم هتلقوه عند العطارين الكبار اللى بيبيعوا الكريم شانتيه بالكيلو والشيكولاتة الخام وفيه ناس مخصوص لمستلزمات الحلويات فى العتبة وبيبيعوا المحسن ارخص بكتير من العطارين وميزة المحسن هو اللى بيعمل السمك والقوام للايس كريم .
ولما نيجى نشترى الكريم شانتيه من الافضل نجيبه من اللى بيتباع بالكيلو ويكون خام لان المخلوط بالسكر بيعطى كمية قليلة يعنى ربع كيلو الكريم شانتيه الخام بيعطى كمية ضعف الربع كيلو الكريم شانتيه المخلوط بالسكر علشان كدة بقول الخام احسن بس يكون من عطار البيع عنده مستمر علشان ميكونش مركون وطعمه متغير .
لكل ربع كيلو كريم شانتيه خام نضيف له كوب سكر بودرة و المعيار ده نعتبره قاعدة يعنى لو جيبنا الكريم شانتيه لعمل التورتة نضيف نفس معيار السكر للكريم شانتيه .
لو حبينا نعمل ايس كريم التمر بنجيب بلح امهات وننزع منه القشرة والنواة ثم نضربه فى الخلاط جيدا بدون وضع سكر نهائى وكمان الكريم شانتيه نضربه بعصير التمر بدون وضع سكر ليه لان التمر سكره عالى اوى ومش محتاج .
بالنسبة لايس كريم الفانيليا والشيكولاتة هقولهم فى موضوع لوحدهم هما و السوربيه ويارب الطريقة تعجبكم .


عدل سابقا من قبل حبهان في الجمعة 16 مايو 2008, 23:35 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو عمار الورد
المراقب العام
المراقب العام


ذكر عدد الرسائل : 6774
العمر : 41
العمل/الترفيه : موظف بشركة سياحه
المزاج : فى أحسن حال والحمد لله
السٌّمعَة : 7
نقاط : 484
تاريخ التسجيل : 03/04/2008

مُساهمةموضوع: رد: طريقة عمل الايس كريم   الجمعة 16 مايو 2008, 23:01

ده شرف لينا فى المنتدى أن الطريقه دى تبقى حصريا عندنا


لأنى اعرف انك انتى اللى مخترعه الطريقه دى لعمل الأيس كريم

علشان كده لازم نشكرك ونقولك جزاكى الله خير الجزاء على مواضيعك الروعه فى المنتدى






_________________
`·.¸¸.·¯`··._.· (ابو عمار) `·.¸¸.·¯`··._.·



اللهم أشفى مرضى المسلمين وخص بالذكر والدى شفاء لا يغادر سقما
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حبهان
مشرفه قسم المطبخ


عدد الرسائل : 39
السٌّمعَة : 0
نقاط : 0
تاريخ التسجيل : 09/05/2008

مُساهمةموضوع: رد: طريقة عمل الايس كريم   الجمعة 16 مايو 2008, 23:06

شكرا ليك يابو عمار ويارب الطريقة تعجبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طريقة عمل الايس كريم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ملائكه الرحمه :: منتدى الاسره والمجتمع :: منتدى المطبخ-
انتقل الى: